ШИЛЕКЕЙ-ТАШ ООРУСУ МЕНЕН ООРУГАН БЕЙТАПТАРДА ЛИТОТРИПСИЯ

Авторлор ар түрдүү шилекей бездеринин шилекей-таш оорусу менен жабыркаган 620 бейтапты текшерип, дарылоодон өткөрүшкөн. Алардын ичинен 144 бейтапка дарылоо иш-чараларынын комплексинде шилекей бездерине сиалолитотрипсия жүргүзүлгөн (15 — кулак жанындагы жана 129 — жаак алдындагы шилекей бездери). Жалпысынан шилекей-таш оорусу боюнча 479 бейтапка оперативдик дарылоо жүргүзүлгөн. Жаак алдындагы түтүктүн жаңы оозчосуна пластика 309 бейтапка жасалган. Бейтаптарды көзөмөлдөөчү текшерүү дарылоодон кийин 16 жылга чейинки мөөнөттөрдө жүргүзүлгөн. Таштын кайра пайда болушу майдалоодон кийин 4 бейтапта (3%) аныкталган. Оперативдик дарылоодон кийинки узак мөөнөттүү динамикадагы сиалометриянын жыйынтыктары жабыркаган шилекей бездеринин функционалдык активдүүлүгү байкоо динамикасында норма чегинде болгонун, бирок атташ карама-каршы бездерге салыштырмалуу бир аз төмөндөгөнүн көрсөткөн.