КЫРГЫЗ РЕСПУБЛИКАСЫНЫН АЙМАГЫНДАГЫ ИТТЕРДИН ГЕЛЬМИНТОЗДОРУ БОЮНЧА ЭПИЗООТИЯЛЫК АБАЛ ОШ ЖАНА НАРЫН ОБЛАСТТАРЫНЫН МИСАЛЫНДА

Макалада Кыргыз Республикасынын Ош жана Нарын облустарынан алынган ит заңынын копрологиялык жана патоанатомиялык изилдөөлөрүнүн натыйжалары талкууланат. Ош облусунда Taenia species (Taenia sp.) түрүнүн жумурткалары бар иттердин жабыркашы аныкталган: копрологиялык изилдөөдө-10,3±1,2%, патологоанатомиялык аутопсияда- 24±4,1%. Ош облусунда текшерилген 104 баш иттин 10,5% Echinococcus granulosus, 13,4% Echinococcus multilocularis ылаңы менен жабыркаган. E. granulosus менен Алай районунун Сары-Таш жана Чоң Кара-Кол айылдарынын иттери эң көп жабыркаган, аларда малдын ылаңдоосу 33,3%дан жана 12,5%ды түзсө, ал эми Чоң-Алай районунун Кашка Суу айылында – 14,5%ды түздү. Нарын облусунда – иттердин заңын копрологиялык изилдөөдө Taenia sp. түрүнү жумурткалары менен - 9,6% иттер, патологоанатомиялык аутопсияда - 47,5% иттен аныкталды. E. multilocularis бардык изилденген калктуу конуштарда табылган: Ат-Башы шаар тибиндеги айылчадан, Баш-Кайыңды, Ача-Кайыңды – 40%, Таш Башат айылдарынан – 50%, Нарын шаарынан – 33,3%. Альвеококкоздун синантроптук чордондору аныкталган.