Бешик ырлары – гармониялуу өнүгүүнүн башаты

Бешик ырлары дүйнө элдеринин дээрлик бардыгынын элдик оозеки чыгармачылыгында кездешет. Бешик ырлары аткарылыш мүнөзү жагынан  ымыркай наристеге арналат. Негизинен баланын энеси тарабынан аткарылат. Бешик ырларынын мазмуну, тематикасы наристенин ата-энесинин турмушунан да кабар берет. Бешик ырлары обонго салынып, жагымдуу үн менен коштолот. Макалада кыргыз балдар фольклорунун жанрдык составынын бир бөлүгү болгон бешик ырларына, анын баланы тарбиялоодогу ордуна токтолдук. Ошону менен катар бешик ырларынын баланын өнүгүшүнө тийгизген таасири каралды. Ал ырлардын наристенин гармониялуу өнүгүшүнө тийгизген таасирин медицинанын көз карашында, мисалдар, окумуштуулардын, изилдөөчүлөрдүн ой-пикирлери аркылуу талдап берүүгө аракет кылдык