Өнөкөт вирустук В гепатиттин улгайган курактагы бейтаптарда жүрүшүнүн өзгөчөлүктөрү

Изилдөөнүн максаты: Кыргыз Республикасында улгайган курактагы бейтаптарда өнөкөт вирустук В гепатитинин (ѲВВГ) өтүшүнүн клиникалык-лабораториялык өзгөчөлүктөрүн изилдөө. Материалдар жана изилдөө ыкмалары. ѲВВГ менен ооруган 200 бейтаптын (95 эркек (47,5%) жана 105 аял (52,5%), 28 жаштан 75 жашка чейинки (орточо жашы 55 жаш) бейтаптардын тарыхына талдоо жүргүзүлдү. Бардык изилденген ѲВВГ менен ооругандар 2 топко бөлүнүштү: 1-топ (негизги топ) 100 улгайган бейтаптарды (60 жаштан жогору), 2-топко 100 жашка чейинки 60 бейтап кирген (контролдук топ). Бардык текшерилгендерге жалпы клиникалык жана стандарттык лабораториялык текшерүүдөн тышкары вирустук гепатиттин В, С, Д маркерлерине, вирустук жүктөмүн баалоо менен вирустун репликациясынын маркерлерине полимераздык чынжыр реакциясы (ПЧР) (сапаттык жана сандык ПЧР), ошондой эле фиброздун стадиясын верификациялоо үчүн боордун фиброэластометриясы жүргүзүлгөн. Алынган маалыматтарды статистикалык иштеп чыгуу программанын жардамы менен тастыкталды. Изилдөөнүн жыйынтыктары. Улгайган бейтаптарда ѲВВГ көпчүлүк учурларда дельта агенти (67%) менен бирге инфекциядан улам пайда болот. Инфекциянын негизги жолу хирургиялык кийлигишүүлөр (анын ичинде стоматологиялык жолу 47%). Креатинин жана калдык азоттун деңгээлинин жогорулашы менен гипертония (38%) жана өнөкөт бөйрөк оорусу (16%) менен айкалыштыруу жыштыгы менен коштолгон оорулардын жогорку жыштыгы бар. Корутундусу: ѲВВГ менен ооруган улгайган пациенттердин арасында клиникалык көрүнүштө щелочтук фосфотазанын жогорулашы менен диспепсиялык, сарык жана холестатикалык синдромдордун көбөйүшү басымдуулук кылган жана боор фиброзунун өнүккөн баскычтары дагы аныкталган