Кохлеардык имплант: эмне үчүн керек (адабияттарга сереп алуу)

Кохлеардык имплант - угуу аппараттары натыйжасыз болгон учурда угуунун оор жана терең жоготуулары үчүн колдонулуучу аппарат. Мындай угуунун бузулушу тубаса же пайда болгон болушу мүмкүн. Тубаса угуусу начар балдарды дарылоодогу биздин максатыбыз эрте диагноз коюу жана жашоонун алгачкы 6 айында угуу аппаратын колдонууну баштоо. 
Кохлеардык импланттарды 9 айдан баштап (өлкөсүнө жараша) орнотсо болот, бирок идеалдуу курак 1 жылдын тегерегинде. Имплантация канчалык кеч жасалса (айрыкча 5 жылдан кийин), ал ошончолук эффективдүү эмес. Үндү терең кабыл алуу жана анын багытын аныктоо үчүн эки кулакка имплантация жасоо абдан маанилүү. Кошумчалай кетсек, эгерде бир имплант жаракаттан же инфекциядан улам убактылуу иштебей калса, экинчи имплант керектүү угууну камсыздайт. Кохлеардык имплантациянын артыкчылыктары угуунун жана сүйлөөнүн өнүгүүсүн гана эмес, окуудагы жетишкендиктерди, жашоонун сапатын жакшыртууну жана жумушка орношуу мүмкүнчүлүктөрүн жогорулатууну камтыйт