Бишкек шаарындагы муниципалдык поликлиникаларда пародонт оорулары боюнча чоңдордун стоматологиялык жардамга кайрылуусу жана бул патологияга байланыштуу ортопедиялык дарылоонун анализи

Бишкек шаарынын муниципалдык стоматологиялык поликлиникаларына (№2, №3, №4, №5, №6) 2020–2024-жылдар аралыгында пародонт оорулары менен кайрылган чоңдордун кайрылуусу боюнча ретроспективдик изилдөө жүргүзүлдү. Ошондой эле, 2018– 2022-жылдардагы отчеттук маалыматтардын негизинде ортопедиялык жардамдын анализи жасалды. Изилдөөнүн жыйынтыктары көрсөткөндөй, 2020-жылы пародонт оорулары менен стоматологиялык жардамга кайрылгандардын саны өтө аз болгон, бул, балким, Covid-19 пандемиясына байланыштуу. Андан кийинки жылдары кайрылуулар саны айырмаланган. Бул көрүнүш адистештирилген кабинеттердин, дарылоо протоколдорунун жана отчеттуулуктун жоктугу менен түшүндүрүлөт. 5 муниципалдык стоматологиялык поликлиниканын ортопедия бөлүмдөрү боюнча жүргүзүлгөн анализдин негизинде төмөнкүдөй жыйынтык чыгарууга болот: жасалган протездердин ичинен негизинен металл-керамикалык, металл жана пластмассадан жасалган жекече таажылар көп, бирок алар бириктирилбеген конструкцияда, бул болсо пародонт ооруларын дарылоого ылайыксыз. Мост тибиндеги протездер негизинен ширетилген жана металл-керамикалык түрдө жасалган, бирок алар да пародонт ооруларын эске алуу менен даярдалган эмес. Съемный протездердин ичинен көбүнчө жарым-жартылай пластинкалар жана толук съемный пластинкалар жасалган. Бюгель протездеринин үлүшү эң төмөнкү деңгээлде болуп, бардык съемный протездердин ичинен болгону 1,63% түзөт