Балдардагы риносинусогендик орбиталдык татаалдашуулар

Бул макалада ретроспективдик анализдин негизинде риносинуситтердин орбиталдык татаалдашуулары бар балдардын клиникалык жана лабораториялык маалыматтарынын изилдөөлөрүнүн жыйынтыктары берилген. Анализ көрсөткөндөй, орбиталдык татаалдашуулардын эң көп саны жаш курактагы балдарга (1–7 жаш) туура келет – 72 (48%) бейтап. Курч синуситтерде татаалдашуулар менен коштолгондо негизги даттануулар дене табынын көтөрүлүшү, кабак шишиги, баш оору болгон, ал эми өнөкөт учурларда хемоз жана көрүүнүн төмөндөшү басымдуулук кылган. Эң көп кездешкен микрофлора – Staphylococcus aureus (45%). Анализ көрсөткөндөй, өз учурунда башталган дарылоо дээрлик бардык бейтаптарда көрүүнү толук калыбына келтирген. Курч пансинусит жана орбитанын флегмонасы менен татаалдашкан бир бейтапта, оору башталгандан кийин 5-күнү кайрылгандыктан, оң көздүн көрүүсү калыбына келген эмес. Риносинусогендик орбиталдык татаалдашууларды дарылоонун эффективдүүлүгү туура этиотроптук терапияга көз каранды. Микрофлоранын түрдүк курамын аныктоо жана анын антибиотиктерге сезимталдыгы негизги учур болуп саналат. Айрым авторлордун пикири боюнча, лимфотроптук сезимтал антибиотик колдонулган комплекстүү консервативдик дарылоо риносинусогендик орбиталдык татаалдашуулары бар бейтаптарда хирургиялык кийлигишүүлөрдү азайтат