Аннотация
Макала речевой маданиятты адамдын жалпы маданиятынын маанилүү бөлүгү катары калыптандырууда баарлашуунун маанисин кароого арналган. Эмгекте азыркы коомдук талаптардын шартында сүйлөө маданиятына, анын негизги маселелерин илимий жактан түшүндүрүүгө, ошондой эле мектептерде жана жогорку окуу жайларында сүйлөө маданиятын окутууга өзгөчө маани берилип жатканы белгиленет. Макалада сүйлөө маданиятынын маңызы, тил менен кептин өз ара катышы, алардын текст менен байланышы жана коммуникативдик көндүмдөрдү өнүктүрүүдөгү баарлашуунун орду кыскача ачылып берилет. Сүйлөө маданиятынын өнүгүшү ой жүгүртүүнүн өнүгүшү менен тыгыз байланышта экени жана экөө диалектикалык биримдикте экендиги көрсөтүлгөн. Ошондой эле сүйлөө маданиятын үйрөтүү азыркы коомдун негизги муктаждыктарынын бири экени, анткени кептин ар түрдүү стилдери, жанрлары жана тексттин түрлөрү коомдун маданий өнүгүүсү менен тыгыз байланышта калыптанаары белгиленет. Жыйынтыгында баарлашуу инсандык жалпы маданияттын калыптанышына олуттуу таасир этери, адабий тилди, кеп этикетин жана тилдик стандарттын нормаларын өздөштүрүү деңгээлин аныктай турганы айтылат.
Негизги сөздөр
сүйлөө маданияты, баарлашуу, коммуникатор, адабий тил, стиль, тилдик стандарт, кеп этикетиЦитаталоо
Колдонулган булактар
Жарыялоо процессиндеги булактар