КОВИДДЕН КИЙИНКИ МЕЗГИЛИНДЕГИ БАЛДАРДАГЫ ТРОМБОТИКАЛЫК ТАТААЛДАШУУЛАР: КЛИНИКАЛЫК УЧУРЛАР

COVID-19 учурунда курч миокард жабыркашы, бөйрөк жетишсиздиги жана тромбоэмболиялык татаалдашуулар сыяктуу оор кесепеттердин өнүгүү коркунучу жогору болот. Балдардагы постковиддик синдромдун көрүнүштөрү ар түрдүү болуп, микроциркуляциянын бузулушу менен байланышкан патогенетикалык механизмдер бүгүнкү күндө да изилденип жатат. Макалада Энени жана баланы коргоо улуттук борборунун балдар кардиоревматологиясы бөлүмүнүн базасында байкалган, коронавирус инфекциясынан кийин балдарда өнүккөн тромботикалык татаалдашуулардын клиникалык учурлары берилген. Тубаса жүрөк кемтиги бар балдардагы тромботикалык өзгөрүүлөрдүн варианттары, ошондой эле бут-кол веналарынын жана мээ кан тамырларынын тромбозу сүрөттөлгөн. Клиникалык мисалдардын негизинде COVID-19 менен байланышкан коагуляциялык өзгөрүүлөр, айрыкча тобокел тобундагы бейтаптарда, тромбоэмболиялык асқынуулардын коркунучун жогорулатарын көрсөтөт. Макалада постковиддик мезгилде балдарды алып барууда тромбоздун алгачкы белгилерин эрте аныктоо, профилактикалык чараларды өз убагында колдонуу жана клиникалык мамилелерди өркүндөтүү зарылдыгы баса белгиленет.