Сырткы мурдун жаракаттарынын себептери, түзүлүшү жана клиникалык өзгөчөлүктөрү

Сырткы мурдун жаракаттары – баш-бет жаракаттарынын эң көп таралган формаларынын бири болуп эсептелет, айрыкча балдар менен өспүрүмдөр арасында. Бул жаракаттардын себептерин, анатомиялык түзүлүштөрүн жана клиникалык өзгөчөлүктөрүн билүү өз убагында диагноз коюу жана натыйжалуу дарылоо үчүн чоң мааниге ээ. Максат: сырткы мурдун жаракаттарынын себептерин, морфологиялык өзгөчөлүктөрүн, клиникалык көрүнүшүн жана дарылоо ыкмаларын талдоо. Методдор. Изилдөөгө клиникалык, оториноларингологиялык, офтальмологиялык, нейрохирургиялык, радиологиялык (мультиспиралдык компьютердик томография, магниттик-резонанстык томография, конус- нурлуу компьютердик томография) жана лабораториялык ыкмалар киргизилген. Мурун сөөктөрүнүн, мурун көңдөйлөрүнүн, орбиталардын жана мээнин структуралык өзгөрүүлөрү бейтаптардын оорукана таржымалдарынын маалыматтары боюнча анализденген. Функционалдык натыйжалар акустикалык ринометрия аркылуу; эстетикалык – фотографиялык салыштыруу ыкмасы менен; жашоо сапаты – PedsQL 4.0 (Pediatric Quality of Life Inventory) сурамжылоосу менен бааланган. Жыйынтыктар. Жаракаттардын негизги себептери үй-бүлөлүк-тиричилик кырсыктары, спорттук жаракаттар жана жол-транспорт кырсыктары болгон. Эң көп кездешкени – мурундун деформациясы менен коштолгон сынуулар, алар репозицияны талап кылган. Операциялык кийлигишүүнүн оптималдуу мөөнөтү жаракаттан кийин 5–10 күн катары табылган. Комплекстүү мультидисциплинардык мамиле функционалдык жана эстетикалык натыйжаларды кыйла жогорулаткан. Жыйынтык. Сырткы мурдун жаракаттарын өз убагында аныктоо жана дарылоо татаалдашууларды алдын алуу жана функционалдык, косметикалык мыкты натыйжаларга жетүү үчүн чечүүчү мааниге ээ. Натыйжалуу дарылоо комплекстүү междисциплинардык баалоону талап кылат.