Геморройдун дарылоосунда заманбап лазердик технологиялар (адабияттарга сереп)

Геморрой – аноректалдык оорулардын бири  жана көп учурда операцияны талап кылган оору. Миллиган-Морган геморроидэктомиясы операциялык дарылоонун алтын стандарты бойдон калууда, бирок андан кийинки олуттуу оору жана кабылдоолор менен байланышта. Заманбап лазердик технологиялар, өзгөчө диоддун негизиндеги системалар, жагымдуу натыйжалары менен минималдуу инвазивдүү альтернатива катары болуп калышты. Максат. Операциялардын ыкмалары, клиникалык натыйжалар жана кабылдоолорго өзгөчө маани берип, геморройдун дарылоосунда заманбап лазердик технологиялар боюнча учурдагы адабият булактарын жалпылоо жана талдоо. Материалдар жана ыкмалар. 2025-жылдын август айына чейин жарыяланган изилдөөлөр боюнча адабияттарды издөө жүргүзүлдү. Клиникалык сыноолор, оригиналдуу изилдөөлөр жана лазердик операциялардын сериясы алгылыктуу басылмалар болгон. Лазердин түрү, толкун узундугу, дарылоо протоколу, бейтаптын мүнөздөмөлөрү, натыйжалар жана кабылдоолор маалыматтарды алууда эске алынган. Натыйжалар. Дарылоодо эки негизги лазердик ыкма аныкталган: геморройдо колдонулган лазердик процедура жана лазердик геморроидопластика. Диоддук лазер жана доплер өткөргүч менен жасалган геморройдо колдонулган лазердик процедура жогорку натыйжалуулукту (8491%) аз оору жана кабылдоолордун төмөн деңгээли менен камсыз кылат. 980, 1470 же 1560нм толкун узундугу менен диоддук лазерлерди колдонгон лазердик геморроидопластика салттуу геморроидэктомияга караганда артыкчылыктарды көрсөттү, анын ичинде операциядан кийинки оорунун азайуусу, ооруканага жатуу мөөнөтүнүн кыскаруусу жана бейтап калыбына тезирээк келүүсү. Салыштырмалуу изилдөөлөр кабылдоолордун төмөн жыштыгын жана жогорку канааттанууну тастыкташты, бирок айрыкча оорунун кеч стадиясында рецидивдин деңгээли (5-28%) олуттуу бойдон калууда. Акыркы изилдөөлөр көрсөткөндөй, лазердик геморроидопластиканы мукопексия же дезартеризация менен айкалыштыруу узак мөөнөттүү натыйжаларды жакшыртат жана рецидивдерди азайтат. Жыйынтык. Диоддук лазерлерге негизделген операциялар салттуу геморроидэктомияга натыйжалуу, минималдуу инвазивдүү альтернатива болуп, бейтаптын калыбына келүүсүн жакшыртат жана кабылдоолорду азайтат. Бирок, оорунун күчөп кеткен стадияларында пайда болгон рецидивдер, жабдуулардын кымбаттыгы жана атайын окутуунун зарылдыгы алардын кеңири колдонулушун чектейт. Көп борборлуу изилдөөлөр стандартташтырылган дарылоо протоколдорун иштеп чыгуу жана пациенттерди тандоону ылайыкташтыруу үчүн зарыл